lexicon.psp.ge

A B C D E F G H I J K L M N O P Q R S T U V W X Y Z

А Б В Г Д Е Ё Ж З И Й К Л М Н О П Р С Т У Ф Х Ц Ч Ш Щ Ъ Ы Ь Э Ю Я


ქართული Latin Русский psp.ge
ვენები
(მრავლ.) სისხლძარღვები, რომლებითაც სისხლი ორგანოებიდან და ქსოვილებიდან მიედინება გულისაკენ. სისხლის მიმოქცევის დიდი წრის ვენებს მარჯვენა წინა გულში გადააქვს ნახშირორჟანგით, ნივთიერებათა ცვლის პროდუქტებით, შინაგანი სეკრეციის ჯირკვლების ჰორმონებიტა და სხვ. ნივთიერებებით გაჯერებული სისხლი, ხოლო მცირე წრის ვენებს მარცხენა წინაგულში – ფილტვებიდან ჟანგბადით გამდიდრებული სისხლი. კარის ვენის სისტემით სისხლის საერთო ნაკადს გადაეცემა ის საკვები პროდუქტები, რომლებიც კუჭ–ნაწლავის ტრაქტში შეიწოვება. ვენური სისტემა იწყება კაპილარული ქსელიდან, სადაც ყალიბდება ვენულები, რომელთა შეერთება ქმნის ვენებს. არტერიების კედლებთან შედარებიტ ვენების კედლები უფრო თხელი და პლასტიკურია, წნევა ვენებში ძალიან მცირეა დიდ ვენებში კი – ატმოსფერულზე უფრო დაბალი. სისხლის დინებას ხელს უწყობს გულმკერდის მოძრაობას, კიდურების ღრმა ვენებში – კუნთების შეკუმშვა. ვენების კედლებში (შიგნიდან ) განლაგებული ნამგლისებური სარქველები სისხლს ატარებს მხოლოდ გულისკენ.