| [იტალიელი პათოლოგის Girolamo Fracastoro -ს (1483–1553) სამედიცინო პოემის "Syphilis sive morbus gallicus" გმირის – მწყემსის "Syphilus" სახელის მიხედვით; იგი ავად იყო ამ დაავადებით] (ლათ. lues სენი – ქრონიკული ინფექციური, ყველაზე საშიში (თავისი შედეგებით) ვენერული დაავადება. მისი გამომწვევია Treponema pallidum (Spirochaeta pallida). შეიძლება იყოს შეძენეილი და თანდაყოლილი. შეძენილი ეწოდება სიფილისს, როც აჯანმრთელ ადამიანს იგი ავადმყოფისგან გადაედება უშუალო კონტაქტით – უმეტესად სქესობრივი კავშირით და ნაწილობრივ სხვა გზებითაც (კოცნით, ძუძუს წოვებით, ავადმყოფის ნახმარი ნივთების გამოყენებით). შეძენილი სიფილისის მიმდინარეობაში განარჩევენ ინკუბაციურ პირველად, მეორეულ და მესამეულ პერიოდებს. ინკუბაციური პერიოდი გრძელდება საშუალოდ 21–24 დღე – ინფექციის შეჭრიდან სიფილისის პირველიხილული სიმპტომის მაგარი შანკრის განვითარებამდე. |
